Den e dos aña cu e consul general di Republica Dominicano ta aki na Aruba, e relacion cu gobierno di Aruba ta hopi bon. Den e tempo ey nan a haci algun cambio.
Pedro Ventura, consul general di Republica Dominicano, a splica cu gobierno di Republica Dominicano su spot ta cambio y esey a haci na momento cu nan a yega Aruba. Na momento cu a yega a cuminsa cambia oficina, haci e oficina mas comodo y accesibel p’e comunidad Dominicano.
E prioridad di e consulado ta pa promove riba e isla nan marca “Pais”. El a splica cu e marca Pais di Republica Dominicano tin tur cos. E idea ta cu e productonan Dominicano cu ta certifica tanto na Merca como Europa tambe drenta aki na Aruba. el a sigui indica cu e productonan ta costoso manera fruta y berdura. Geograficamente Republica Dominicano ta hopi cerca di Aruba y pa probecha esey. Tambe pa purba di trece nan producto cu ta hopi bon, el a indica.
Nan a tene un reunion cu prome minister y gobernador interino. Nan a papia y tin un comision destina na studia e productonan Dominicano pa asina nan por drenta Aruba. E ta kere un relacion comercial y liber di comercio.
Pa loke ta e parti turismo, e consul general a bisa cu e localnan ta bayendo. Tambe cu e local gusta hopi sero. El a bin compronde cu nan a entrega visa na algun persona cu ta biba na Aruba y e turismo di sero nan a gusta hopi. Hopi ta bay e parti di Constanza, cu ta un zona di sero, tin riu y e Arubiano ta bonbini. Pa su persona lo ta un honor pa Arubiano bishita su pais y mira e paisahe.
Pa mas lesa TREMPAN.COM.
