Renier Flores, presidente di Aruba Flight Simulator Club, ta conta nos cu desde 2006 e club aki ta activo Awor a cuminsa na brinda informacion pa tur cu ta interesa y pa bini cu esaki bek treciendo tur miembro hunto.
E parti social ta hunga un rol hopi grandi den e club. “Bo no ta bay solamente sinta tras di un computer ta bula bo so, pero tin e parti di informacion y educacion tambe”, el a expresa. Den e simulacion bo ta siña informacion basico riba por ehempel kico e simulacion ta su mes, kico ta encera pa bula esaki online, tambe duna un demostracion con esaki ta bay den realidad uzando e Flight Simulator.
Na momento cu bo ta bulando un avion den simulacion, bo mester tin diferente cos na cuenta mescos den bida real. Algun cos cu bo mester tene cuenta cu ta e proceduranan, ken ta banda di bo y bo ta haci esaki segun e reglanan cu ta aplicabel.
E prome evento aki na Centro di Bario Lago Heights a laga hopi hende contento y satisfecho, “anto tin mas sigur cu tin mas hende cu mester esaki,” segun Flores, agregando cu “nos lo sigui purba esaki y nos ta hopi contento cu ne.”
Lesa mas den TREMPAN.
