Dia 9 di juni lo ta Dia Internacional di Archivonan. Esaki ta un dia cu desde 2008 ta wordo celebra mundialmente dor di e Conseho Internacional di Archivo.
Relaciona cu e dia aki, ANA lo ta sera pa un actividad cu su personal riba e dia aki, na unda cu lo haci uzo di oportunidad pa e miembronan di ANA sera un tiki mas conoci cu nos historia y tambe haci bishita na instancianan ruman cu ta atende cu sea nos historia of nos cultura.
Di e forma aki ta trata di grandece e conocemente di nos personal mas pa loke ta trata informacion riba nos historia y cultura cu despues lo por yuda den nan den nan trabou di tur dia. Asina lo tin parti mainta un paseo monumental den Playa, cu lo ta encarga di e.o. Fundacion Rancho, mientras cu parti merdia lo tin bishita tambe na Museo Archeologico, pa asina e.o. mira e exposicion “Lasonan Caribense/Caribbean Ties” cu actualmente ta tumando lugar na dicho instancia ruman.
Archivo Nacional ta pidi su disculpa pa no tin servicio riba e dia aki, pero dialuna dia 10 di juni, nos servicio lo sigui normal. Di antemano, danki pa e comprension y Archivo Nacional kier a yama pabien y danki di awor caba na henter su personal riba e “Dia Internacional di Archivo”, pero tambe na tur esnan na tur departamentonan di gobierno, instancianan no-gubernamental y den sector priva, cu ta tur dia ta traha cu archivo, sea fisico of digital.
