Durante e bishita real na Merca tabatin un reunion cu no tabata riba agenda. Ta trata aki di un reunion entre Reina Maxima y ‘Speaker of the house di Merca esta, Nancy Patricia Pelosi. E funcion di ‘Speaker of the House’ ta uno hopi importante y por compar’e cu un funcion manera presidente di parlamento.
Den e caso aki, Nancy Pelosi, ta encarga cu e entidad aki pero di ful Merca. Net prome cu e yegada di Reina Maxima, Nancy Pelosi, a combersa brevemente cu prensa di Aruba (24ora.com) y Hulanda indicando cu e gusta Hulanda y cu un di su nietonan a studia na Hulanda. E por a hasta menciona e bario unda e nieto a studia.
Pelosi ta un politico bastante controversial pero sigur cu hopi experiencia den e mundo di politica. Remarcabel ta cu e tin 82 ańa di edad y ta ocupando e funcion aki desde 2019 pa e partido democrata. Tambe e la fungi e mesun funcion aki entre 2007 y 2011.
E contenido di e reunion entre Reina Maxima y Nancy Patricia Pelosi no ta conoci.
