Bucuti & Tara Beach Resort ta sigui eleva e experiencia di su huespednan door di bira e miembro mas nobo di Regenerative Travel. Esaki ta bin net despues cu e prome hotel den Caribe certifica Carbon Neutral ta celebra como e Hotel No. 1 Hotel den Caribe y No. 18 Miho Hotel na Mundo segun Tripadvisor. A reconoce Bucuti & Tara tin hopi aña unda e hotel como un pionero cu ta demonstra cu vacacion memorabel y sostenibilidad por ta mutuamente inclusivo.
Door di uni cu Regenerative Travel, Bucuti & Tara ta bira un di su Regenerative HotelsTM. E mercado ta trece hunto biahero, hotel, operador di tour, agente di biahe y otro partido interesa cu kier compromete nan mes na experiencia di biahe cu ta cuida planeta mes un hopi cu nan huespednan.
Como un Regenerative Hotel, Bucuti & Tara ta representa:
● Un hotel independiente cu un mision. Celebrando su 35 aniversario, e fundeshi firme di Bucuti & Tara ta consisti di tres pilar: romance, bienestar y sostenibilidad. Ademas, e etos di e hotel ta pa brinda servicio superior na su huespednan, cu e maximo importancia pa su comunidad y medio ambiente.
Via e hotel su website, por haya e pagina yama “loke nos no ta,” unda ta bisa cu e hotel ta solamente pa adulto, solamente pa pareha (y no pa grupo), su SandBar ta reserva solamente pa huespednan di resort pa asina semper tin un asiento y mas. Como un pionero, e resort ta un lider, sea localmente of riba un nivel internacional.
Ademas, e ekipo di e hotel a yuda un compania local crea e sistema di panel solar di e resort, creando e sistema di energia renovabel mas grandi den e sector priva. Ora cu e poblacion di cacho y pushi di caya a bira un problema, e resort a lansa Fundacion Stimami Sterilisami y te e dia di awe ta e mayor fundador di e fundacion, cual a subsidia mas di 35,000 sterilisacion.
● Un compania cu ta haci honor na su hogar. Bucuti & Tara ta orguyoso di su cas, Aruba. E resort ta anima huespednan pa sali for di e propiedad y gosa di tur e maraviyanan di e isla. Pa protehe Aruba su medio ambiente, e propiedad no ta promove tour di off-roading cu ta daña nos medio ambiente.
En cambio, e resort ta promove excursion priva den naturalesa unda e huespednan por siña mas tocante Aruba su flora y fauna local. E espacionan publico y e cambernan tin arte interactivo y colorido di artista local y internacionalmente aclama, Elisa Lejuez. Pa promove un experiencia culinario autentico local, e hotel a introduci nan buffet Autentico Arubano & Caribense na Elements Restaurant, cual ta inclui un coleccion di recetanan familiar di e cokinan di e restaurant.
Ora e localnan aproba, e huespednan sa cu e ta bay ta un punto culinario autentico y sobresaliente. Mas recientemente, e resort y su propietario a sponsor y doneer aproximadamente 120.000 m2 di tereno propiedad pa forma e Bucuti & Tara – GMC Nature Preserve. Esaki lo bira un sink di carbono pa e hotel y isla.
● Un etos di servicio. Na cualkier dia, e huespednan ta bin for di 25 pais diferente mundialmente. E trahadonan di Bucuti ta tuma e oportunidad pa conecta cu nan sea door di un idioma comparti, necesidad dietetico especifico of tradicion cultural.
Cada pareha ta asigna un concierge personal. Desde prome cu e huesped yega e isla, e concierge ta traha cu nan pa descubri nan deseonan. E meta ta pa cada huesped tin un experiencia cu lo enrikece nan y por duna nan perspectivanan nobo cu nan por tuma bek na nan propio comunidad.
Un ehempel ta cu e resort ta regala cada huesped un boter reusabel cu e resort su logo. E iniciativa aki ta preveni uza 290,000 boter di awa di un solo uzo y descarta anualmente. E huespednan ta stima hiba nan boter reusabel bek y ta sigui uz’e despues di nan vacacion, manera ta evidencia den potretnan comparti riba social media.
● Un vakantie cu balor. Sea ta e balor di e tarifa, cual e resort nunca ta desconta y cu no tin fees extra, cual ta asegura cu cada huesped ta recibi e mesun prijs husto; of e balor di e resort su programa di sostenibilidad cu ta asina solido cu Nacionnan Uni ta yam’e “altamente replicabel y escalabel,” Bucuti & Tara kier e miho pa su huespednan.
Como un experiencia di biahe regenerativo, e ta invita cada huesped na su limpiesa di beach mensual, ta yuda nan descubri y aboga p’e tortuganan di lama Leatherback cu ta ainda na su beach, of ta anima nan pa Pack for a Purpose door di trece articulo necesario p’e muchanan di Imeldahof.
“Bucuti & Tara Beach Resort ta feliz pa uni cu Regenerative Travel, p’asina por intercambia practica di sostenibilidad cu e otro miembronan y pa conecta huespednan cu un vacacion yena cu autenticidad culinario, arte, excursion, comunidad, cuido ambiental y unda nan etos ta comparti y honra,” Ewald Biemans, Doño/CEO di Bucuti & Tara Beach Resort, ta conta.
Fundado y CEO di Regenerative Resorts, Michael Phillips, a comenta, “Nos ta duna un bonbini di curason na Bucuti & Tara Beach Resort na nos colectivo di e propiedadnan excepcional y exclusivo. Nan dedicacion inigualabel na sostenibilidad y nan compromiso na brinda calidad y servicio sobresaliente ta alinea perfectamente cu nos mision pa redefini hospitalidad a traves di practica regenerativo. Hunto, nos lo inspira cambio positivo y habri caminda pa un futuro mas sostenibel.”
Uniendo cu Regenerative Travel ta oportuno p’e resort. Un estudio reciente di Sustainable Travel door di Expedia a mustra cu 90% di e consumidornan ta buscando opcionnan sostenibel y ta busca hotel, transporte, e restaurant y e excursionnan cu ta alinea cu nan propio compromisonan personal na sostenibilidad.
Mas informacion tocante Bucuti & Tara Beach Resort
Declara como e prome CarbonNeutral®️/net zero hotel den Caribe na Augustus 2018, Bucuti & Tara Beach Resort t’e No. 1 Miho Hotel den Caribe y No. 18 Miho Hotel na Mundo. Aruba su principal boutique resort pa adulto so, ta dirigi p’e hotelero y ambientalista renombra, Ewald Biemans, nombra pa Caribbean Journal como e 2017 Caribbean Hotelier of the Year. E resort ta situa alrededor di e santo blanco di Eagle Beach, locual t’e hogar p’e tortuganan marino protegi y a nombra como un di e “Dream Beaches of the World.”
Bucuti, awo conoci como e Experiencia di Biahe di Mas Sigur y Saludabel danki na su protocolnan di siguridad hospitalario contra COVID 19 y Aruba su Health & Happiness Code seal, tin 104 guestrooms, suites and penthouses.
E ta ofrece sunloungers y sombra pa cada huesped; infinity pool di awa fresco; spa; WiFi; y un iPad cu Skype complimentario pa uzo diario. Cuminda saludabel y premia por ta disfruta na Elements (dilanti lama), Tara Lounge of cu private beach dining. Reserva exclusivamente pa su huespednan, e recientemente renoba SandBar ta ofrece cocktails di calidad halto y live-music hunto cu Caribe su prome Healthy Hour. E resort ta TAG Approved®️ como un LGBTQ-friendly hotel. Bucuti, un lider mundial pa turismo sostenibel, tin e proximo eco-certificacionnan: LEED Gold, Green Globe Platinum y Travelife Gold y a nombr’e Resort di Mas Sostenibel na Mundo na 2016 door di Green Globe.
