Empresanan na Merca mag di sigui haci negoshi cu refineria Isla na Corsou. Apesar di e sancionnan cu Merca tin contra di PDVSA.
Gobierno di Corsou ta doño di e refineria y ta huur esaki na e gigante di petroleo estatal Venezolano PDVSA. E ministerio Mericano di finansas a duna Corsou un exoneracion. E vrijstelling di e sancionnan ta valido te cu dia 15 di Januari 2020.
Plat pa algun luna
Segun e gobierno di Rhuggenaath, esaki ta un paso importante pa mantene e refineria habri y tambe pa atrae socionan nobo pa e futuro di Isla.
Debi na e sancionnan, tankeronan ta keda leu y ta haci cu e refineria tin algun luna plat.
E contract di huur ta caba dia 31 di December di e aña aki. PDVA no tin placa pa e innovacionnan necesario pa asina cumpli cu e normanan nobo di medio ambiente. Corsou pa e motibo aki tambe, ta buscando un operador nobo pa Isla.
Barera
E sancionnan di Merca ta forma un barera grandi den ambos trayecto. E obstaculo aki pa un gran parti awo, ta fo’i caminda, aunke cu e ontheffing ta temporal. Lo precisamente mag y no mag pasa den e refineria, ainda mester wordo resolvi. Probablemente awo si ta posibel pa refina pa ambos mercado di Corsou y Boneiro.
Anteriormente Hulanda y Corsou a pidi ayudo na e Mericanonan pa instala un punto di sosten humanitario pa Venezuela na e aeropuerto di Willemstad.
Bishita Blok
E exoneracion ta bin na momento cu minister di Asuntonan Exterior, Blok, ta na e islanan pa delibera riba e situacion cu Venezuela. Diamars Blok a indica na e gobierno di Corsou cu e lo yuda den e buskeda den partnernan di petroleo strategico nobo y tambe negociacionnan contractual.
