Tabata mas of menos 1:30 pm cu a activa autoridad pa un caso di hogamento na Baby Beach, na San Nicolas. A resulta cu un turista masculino a hoga y fayece na e sitio mes.
Na yegada di e prome patruya di polis, a topa cu famia preocupa. Nan a bin haya e cabayero boca bou den lama. Segun por a compronde, e homber di 80 aña, ta cu vakantie riba nos isla.
E paramediconan a haci lo posibel pa reanim’e pero lamentablemente no a logra. Janine Rodriguez di Slachtofferhulp tabata tey presente pa consola y yuda e famia cu a keda atras.
Tabata 16 di december ultimo cu tambe un turista di nacionalidad Mericano a hoga den e mesun area.
Headlines Group ta desea forsa na famia di e fayecido.