Mon Plaisir tambe a tuma medida di siguridad diahuebs. No tin motibo pa tin panico, no tabatin alerta extra di Cuerpo Policial, Randall Croes, di Stichting Protestants Christelijk Onderwijs Aruba (SPCOA) a expresa. Nan tabatin bon contacto cu tur hende y a sali mesora pa informa kico ta pasando of kico no ta pasando.
Practicamente no tin motibo pa panico, ta solamente rumor cu tabatin riba rednan social ta loke a causa poco consternacion. No a yama mayornan pa bin busca nan yiunan, pero esnan cu a acudi a wordo splica cu no tin motibo pa e mucha(nan) bay cas.
Pero si nan insisti ta laga nan bay. Pero ta bisa nan bon cla cu ta trata simplemente rumor y cu ta prefera pa nan keda pa haya les. Si nan bay cas, e ora nan mester yuda nan yiu(nan) haal in e lesnan perdi.
Croes a bisa cu awe no tabatin motibo pa alerta mayornan y simplemente a pone nan plan di siguridad door di e rumornan, pero no ta sinti cu mester a bati alarma pa busca e muchanan.
