Si mester tuma parti di comision, e reunion di diahuebs, como profesional mester sinta, segun parlamentario di fraccion di Raiz, Raymond Kamperveen.
Kamperveen ta haya jammer cu Miguel Mansur ta bin propone algo cual el a manda n’e fraccion di Raiz basta laat. Si sinta trempan y combersa, mester traha cu otro den nomber di Aruba.
Tin biaha e ta tuma su tempo pa tuma decision pasobra tin cu verifica cierto cosnan. Pero di loke cu por a compronde y loke ta basa riba dje ta, door cu ley ta poni via LIM, aunke esaki no ta oficialmente poni den otro.
Tin algun cambio cu tin cu bin, manera esun di minister Ursell Arends, caminda cu a coy asunto di hende mayor, a sac’e for di asunto social. A base di e structura ey a hinca e comisionnan bao otro.
Pa loke ta RWZI ta algo cu a resona durante e mainta den parlamento. Esaki tambe tin atencion di partido Raiz, cu ta un partido cu a vocifera pa loke ta cuido di medio ambiente y naturalesa.
RWZI ta cargando no e rioleringnan so di e comunidad, pero di tur e hotelnan y ken ta esun cu ta uzando por nada. No mester lubida cu tin yen di condominio nobo y hotel nobo cu ta biniendo.
RWZI
Awo e pregunta ta keda con DOW ta prepara pa acapara e infrastructura di esaki pasobra RWZI no por carg’e mas.
Mesun pisa cu COVID dal Aruba pa loke ta turismo, esaki tambe por dal nos hopi. Na final tur cos ta draai rond di placa, pasobra mester di un presupuesto.
Den e temporadanan aki mester bira creativo pasobra con cu bay bin, e personanan aki ta trece hopi placa den e infrastructuranan aki pasobra ta na bienestar di e hotelnan cu t’ey caba. Mester sinta na mesa pa mira con leu por yega cu e stakeholdernan cu ta importante pa nos como Aruba, mirando cu ta draai riba turismo, con nan por aporta.
Si RWZI mester bira un desaster, e no ta bay conta pa gobierno so, sino pa full Aruba.
