Diamars, dia 5 di Maart, Bright Bakery a finalisa su campaña di aniversario, sacando asina e ganado di un auto y tambe algun otro premio mas cu a regala su clientenan.
Segun Brand Manager, Cedric Werleman, e campaña a cuminsa na Januari te cu dia 5 di Maart, unda cu por a saca e feliz ganado di e auto.
Tur loke nan mester a haci ta corta e ticket for di e saco di pan, unda cu por a skirbi nomber y demas informacion y tir’e den un bari na Bright Bakery pa por a participa den e campaña aki.
Ganadonan di e premionan cu a saca diamars anochi ta Anthony Ras, kende a gana un dinner for 2 na Marriott. Mirta Roberts,kende a gana un weekend stay na Marriott. Rudolph Peña, kende a gana un airco di 18 mil BTU. Joanelly Noguera, kende a gana un airco di 24mil BTU. Natasha Croes y Andreina Loopstok, kende a gana un television di 58 inch cada uno y e premio grandi cual ta un auto a bay pa Rachel Baart.
Rachel Baart a comenta cu e ta super contento. E no a sper’e. El a djis yena ticket y ta apenas dos siman pasa el a benta nan den un tombola.
El a keda hopi sorpresa cu el a gana e auto, y por cierto e tabata tin mester di uno. Pa colmo e color ta uno preferi di dje, mirando cu su prome auto cu e kier a saca ta e color cora.
Baart tin masha hopi aña ta cumpra su pan na Bright Bakery mes. Tambe semper e ta busca su bolonan pa fiesta eynan.
E auto aki a cay na un super bon momento pa Baart, pasobra durante cambio di aña e tabata tin problema cu auto y tabata tin mester di dje.
Sigur cu e ta super contento cu su premio. Palabra di pabien ta bay na Rachel Baart cu su auto nobo nobo.
