Pa medio di e comunicado aki Quota Club ta solicitando aplicacion pa donacion. Manera tur aña Quota Club ta preparando pa haci donacion na comunidad.
Na november Quota tabatin su fundraising exitoso pa recauda fondo cu actualmente ta disponibel. Tur organisacion cu ta traha pa comunidad y cu ta desea un donacion pa ayudo financiero ta ser pidi pa manda un carta oficial na [email protected]
Quota su enfoke ta pa yuda organisacionnan cu tin di haber cu personanan cu problema auditivo, mucha y bienestar general di comunidad. Peticionario ta wordo pidi pa entrega hunto cu e carta: Un relato di aña anterior, Inscripcion di KvK, Descripcion y presupuesto di e proyecto y meta pa cual ta pidi donacion.
Quota International of Aruba ta un Club di servicio di hende muhe nan profesional den nos comunidad cu ta existi na Aruba desde aña 1987 cu ta duna nan tempo liber pa traha durante henter aña pa duna bek na comunidad.
