Den un rueda di prensa dialuna, director di AZV, ir. Edwin Jacobs a anuncia cierto cambio cu kier implementa p’e organo ehecutivo, entre otro e proposicion pa bin cu contribucion propio (eigenbijdrage), na momento cu mester pidi pa un servicio medico specialisa, entre otro na Eerste Hulp, specialista, como tambe pa recept y test na laboratorio.
Den comunidad por a sinti e disgusto di e hecho aki, aunke cu ta un proposicion cu ainda mester pasa parlamento y gobierno. Pero toch por sinti e aire di desacuerdo cu tin.
Un ciudadano preocupa a conta cu e ta mira cu loke AZV ta haciendo ta un desaster pa Aruba. Fo’i tempo cu el a nace, tabatin tur cos paga y bida ta mas facil. Pero awo bida ta bay bira mas dificil.
Nan mester busca un otro opcion mas miho p’e hendenan grandi y pa nos futuro generacion. Tin cu corda cu hubentud ta na prome luga y si cos sigui asina, nos hubentud no tin nada mas na Aruba pa nan.
Pa un cobertura mas amplio lesa e edicion di TREMPAN di mañan.
