Diasabra un biaha mas Aruba a sali pa celebra otro parti di su cultura cual ta e fiesta di San Juan, conoci tambe como Dera Gay.
Fundacion Chico Harms tambe a celebra esaki den grandi na Centro di Bario Brazil. Chico Harms, dPresidente Fundacion Chico Harms. Tabata tin un publico basta bon presente na Centro di Bario Brazil, pa asina apoya y sostene e actividad aki. Pero e mas bunita tabata ora cu e muchanan a duna nan presentacion. Un grupo musical a toca na Centro di Bario Brazil pero tabatin 3 grupo di baile y 23 bailado. Tabata bunita pa wak con e publico tabata biba cu cada presentacion, cada parti di e programa, manera ken ta grita mas duro. Harms a splica cu esaki tabata entre ocho persona.
E cultura di Dera Gay te ainda ta bibo meymey di e pueblo. Y pocopoco e generacion mas jong tambe a cuminsa participa y nan ta esunnan cu e dia di mañan lo sigui carga e parti aki di nos cultura.
Centro di Bario Brazil tin hopi aña ta organisa e actividad aki riba Dia di San Juan, cu nan actividad di Dera Gay. Vooral e cantidad di mucha cu e ultimo temponan ta participa ta algo bunita pa wak. Semper tin un regalo cla pa e muchanan, pasobra cu nan ta duna lo miho di nan durante e fiesta di San Juan.
Como Fundacion Chico Harms nan kier sigui mantene e cultura di Aruba bibo. Un tempo e fiesta di San Juan no tabata mucho conoci of tabata tin poco participacion, pero den e ultimo añanan por a mira cu tabata tin un cambio den esaki, unda cu hopi mas hende a cuminsa participa den e actividadnan relaciona cu Dera Gay.
E aña aki Fundacion Chico Harms a opta pa tene e actividad di San Juan pafo di Centro di Bario. Segun Harms, esaki tin di haber cu e fiesta original di San Juan cu tabata un fiesta di cosecha, un fiesta den sabana, cual a trece un otro ambiente, un toke diferente na loke hopi hende ta custumbra cu ne.
Cultura ta nos, ta nos ta cultura!
