Mescos cu e monumento na memoria di Tino Ruiz, Gilbert Senchi, un artista Arubiano ta trahando tambe un arte special di un turtuga. Na su sitio di trabou na Sur di Bogota e ta traha riba e artenan aki y djey transporta nan pa Aruba.
E turtuga aki ta un tipo driekiel. Tin planea pa pon’e riba un rotonde riba Avenida Nelson Orlando Oduber, cerca di Eagle Beach. Gilbert Senchi tin dos aña bezig cu e turtuga aki caba. Debi na pandemia y situacion financiero, e turtuga a keda dos aña drumi na Bogota. Ta premirando prome cu aña caba pa transport’e pa Aruba.
E lo bira un atraccion nobo pa Aruba. Tin diferente gremio y compania di sector di priva cu ta contribui pa haci e proyecto aki posibel. A cuminsa bou mandato di Fundacion Museo Aruba y Fundacion Turtuga Aruba. Djey a ricibi apoyo di UNOCA, Boolchand’s, Papiamento Restaurant, Divi Links y algun mas.
Dello Gomez ta yuda Senchi pa regla e parti logista pa transporta e turtuga pa Aruba. Fundacion Turtuga Aruba ta 100% envolvi pa cu e diseño, Senchi tin contacto directo cu e fundacion, pa cual ta haciendo un tremendo trabou pa realisa e proyecto aki. Fundacion Museo Aruba ta aplaudi tipo di iniciativa asina mirando cu arte ta un parti hopi importante den nos bida diario.
A compronde for di Gilbert Senchi cu tin hopi interes for di sector priva pa decora y pone un arte bunita riba diferente di nos rotondenan na Aruba, pa cual, Aruba tin suficiente pa tur cu kier inverti y converti un rotonde un atraccion bunita.
