Dia 25 di maart ultimo, e ekipo di desaroyo di servicio aereo y di comercio, a organisa e prome workshop pa aerolinea y concesionario pa 2022. Despues di a cuminsa cu e workshopnan aña pasa p’e socionan di aerolinea, e workshop aki a sigui cu un alcance mas amplio cu su tema: lidera, motiva y inspira.
Momax, Trainings & More a modera e workshop aki. Tur participante a ricibi un certificado di participacion despues di a completa e workshop atractivo y inspirador aki.
A participa activamente un total di 26 miembro di gerencia di aerolinea, minorista, compania di huur auto y operadornan di HORECA di aeropuerto y concesionarionan. Den cuadro cu e workshop aki, director general (CEO) di Aruba Airport Authority (AAA) a informa e socionan riba e ultimo resultado di trafico y e perspectivanan di recuperacion, como tambe riba e strategia corporativo estableci pa AAA p’e proximo añanan.
AAA ta gradici tur aerolinea y miembro asocia cu a participa y a confia caminda cada un di nan lo sigui lidera, motiva y inspira nan respectivo ekipo na aeropuerto. A lo largo di e aña aki lo tuma luga mas workshop y ta spera pa sigui inspira e aerolineanan y e socionan di aeropuerto como sosten di nan funcionamento.
