E 12.6% ta un medida di crisis pa por a yega n’e sosten di likides cu tabatin mester. Awor aki kier ‘bouw e af’. Ta haya cu Aruba ta recuperando, nificando cu e trahadonan merece di haya nan parti bek, segun Prome Minister mr. Evelyn Wever-Croes.
Los di esey, tin full e discusion di rebaha e gastonan di personal. A traha un plan con por yega for di awo pa den un periodo di 10 pa 15 aña, na mas of menos na 10% di GDP cu CFT y Hulanda a indica.
Esey ta posibel, segun prome minister, pero no awo. Sino den un periodo mas largo. Gobierno ta den negociacion cu Hulanda y no tin un ultimo palabra te asina leu.
Ora cu haya di Hulanda cu nan ta di acuerdo cu e cuadro lo bay mesa cu sindicato pa papia di dje. Pero e meta ta keda pa baha gasto di personal ‘on the long run.’
No ta kita hende for di trabao, segun prome minister, vooral no den crisis. Tampoco ta husto pa bisa cu un hende ta traha y tin su salario awo, cual no ta husto. Tambe kier pa mantene. Pero por ehempel por yega n’e punto cu esunnan cu ta baha cu pensioen no ta reemplasa mas. Esunnan cu retira nan mes, sea cu VUT of no, of esunnan cu fayece of bay cu pensioen, no ta reemplasa nan. E ora automaticamente e ta cuminsa baha. Pero kico ta haci cu nan trabao. Esey ta exigi un planificacion di delanta.
Pa un cobertura mas amplio lesa e edicion di TREMPAN di mañan.
