Diferente unidad di polis y ambulance a yega pa brinda asistencia na famia turista cu a bolter cu nan UTV (V-5798) patras di lighthouse.
Na yegada a bin topa cu cinco persona herida y e UTV gebolter. Esaki a sosode aproximadamente 11:00 am den area di lighthouse, cerca di e cura di Tiera del Sol parti pariba.
Na sitio por a tuma nota cu tres ambulance a trata e herido cu herida mas serio, E tabatin sla na cabes y a subi’e den ambulance mientras demas herido tabata purba yuda nan mes. Nan tambe tabata herida pero no di gravedad. Segun por a compronde un patruya lo a ofrece tambe pa transporta un of otro di e heridonan direccion hospital.
