Pa Corsou ta importante pa habri e frontera cu Venezuela. Prome Minister di Corsou kier uza e oportunidad di guera internacional pa explora riba e funcion di hub pa gas.
Gilmar Pisas, Prome Minister di Corsou, a splica riba e importancia pa trata e tema di apertura di frontera entre Corsou cu Venezuela. Dia 31 di januari na Corsou ta spera e delegacion Venezolano. Esaki ta algo sumamente importante, no solamente pa e partinan berdura y fruta, pero tambe e aspecto di loke ta mira cu por haci uzo pa di cual ta pasando n’e guera internacional cu tin aworaki.
Manera a haci den pasado door di uza Corsou como un hub, Pisas ta kere cu nan tambe ta bay busca e forma di ta un hub den cuadro di gas. Asina ey por manda gas pa Europa. Fin di februari e mandatario ta bay Hulanda p’e topico aki y ta haci esey den compania di Larmonie.
Pa Corsou ta hopi importante pa dal e stap di habri frontera. Segun Pisas, ta spera cu nan por sali afo dia 31 proximo y asina cuminsa anuncia apertura di frontera. Asina ey por haci uzo di e avionnan cu tambe lo cuminsa un tiki mas despues.
