Manera cu ya a anuncia fo’i anochi, partido MAS, encabesa pa Marisol Lopez-Tromp ta e prome partido cu a logra e cantidad di 587 firma, pa e por bay eleccion.
Ainda falta shete partido mas cu mester haya e cantidad necesario di firma, pa asina nan tambe por forma parti di e eleccion.
Partido Raiz no falta mucho mas firma pa e tambe sigui e proximo paso, cual ta eleccion. Te cu 8’or y mey di anochi nochi, el a yega na un total di 537.
Accion 21 ta sigui cu 308 firma, sigui pa PPA cu 295 firma. UPP ta next in line cu 253 firma. E ultimo partidonan cu ainda falta firma ta Pueblo Prome cu 208 firma, Curpa cu 90 firma y por ultimo HTC cu 59 firma.
Ainda falta seis dia mas pa bay.
Ta recorda pueblo cu tin te cu dia 18 di mei pueblo por firma pa cualkier di e partidonan ya menciona na MFK Noord, MFK Savaneta y na e dependance di Censo riba LG Smith Boulevard.
Mas den transcurso di dia lo trece un update di e cantidad di firma deposita.
