Awe Landsrecherche a traslada e Sub Inspector di Cuerpo Policial di Aruba, esta conocido Shirland Daly, pa KIA unda Hues a bay di acuerdo pa pone “in bewaring”. Ta sospech’e di malversacion.
Landsrecherche, bou guia di Fiscal di Ministerio Publico, ta conduciendo un investigacion penal relaciona cu posibel hortamento di un auto of piesa di auto. E investigacion a rekeri pa detene e agente di Polis di San Nicolas y a suspende di su funcion policial mientras e ta bou investigacion. Esaki a sososde desde dia 25 di september ultimo. El a cumpli su dianan cera y awe a mande KIA pendiente e investigacion contra dje.
Parce cu den pasado caba tabatin keho contra dje, pero no a yega na un investigacion penal. E biaha aki si e pruebanan riba mesa a conduci cu Fiscal a opta pa detene y investiga e sospecho di malversacion contra dje.
