Director di Departamento di Impuesto, Luenne Gomez-Pieters tabata invita pa forma parti di e Professional Women’s Network di Aruba pa duna un charla riba Reforma Fiscal.
A cuminsa como Departamento di Impuesto caba durante e siman aki pa duna informacion riba e Reforma Fiscal 2023. Tur cambio proponi y cumbini tambe den e acuerdo bilateral cu Hulanda a base di landspakket.
Diahuebs anochi un grupo di hende muhe profesional den posicion clave, cu tin nan mesun negoshi y/of den posicion ehecutivo, a pidi Gomez-Pieters pa duna un charla riba Reforma Fiscal na Patio 15, splicando kico t’e cambionan cu ta na caminda y kico ta e diferencia di un sistema di BBO cu nos conoce y un sistema di BTW cu mester ta introduci entrante prome di januari 2023.
Gomez-Pieters a comenta cu tabatin hopi hende muhe presente, cu e ta caba di apoya. Esey ta mustra cu nan ta interesa den e informacion necesario pa nan ahusta nan negoshi of administracion. Tambe tabatin comentario y pregunta skerpi cu ta den liña cu a bin ta ricibi tambe di gremio, caminda cu nan ta bisa cu ta compronde e situacion financiero di pais Aruba. Ta compronde cu tin cu bay reforma. Ta compronde cu tin acuerdo bilateral cu Hulanda. Pero kier mira tambe e mesun disciplina ora ta trata gasto di gobierno.
Pa cobertura mas amplio lesa TREMPAN.
