Ta for di dia di eleccion ultimo, cu e relacion interno den seno di Partido di Pueblo Arubano (AVP) y e candidato Melvin Tromp, a bay atras di tal forma cu ayera el a dicidi di expresa su mes durante e noticiero Enfoke riba 24ora.com y Radio Bo Guia 88.9 FM. E politico a sigura cu ainda e ta cu AVP, pero e no lo sali afo pa defende partido ni participa na ningun actividad politico tanten cu e no haya un reunion personal cu Mike Eman.
E politico, cu a cuminsa su carera cu partido AVP desde aña 2003, awor aki tin 18 aña trahando pa partido, bringando batayanan politico, a representa AVP dos biaha den parlamento y a ocupa varios funcion. E ultimo cuater añanan el a keda fo’i parlamento pero a traha gratis pa e fraccion como “Fractiemedewerker”, uzando su VUT y overbruggingstoelage como entrada. Pero e ta sinti cu awor ta basta, cu no tin respet pe y cu for di partido mes ta papia malo di dje riba caya, locual e no por acepta. Pa e relato completo, lesa e edicion di TREMPAN di awe.
