Un mucha tin derecho riba proteccion y nunca un mucha por bira victima di problema entre mayornan. Esakinan polis a splica un mama y tata awe marduga ora cu nan tabata den discusion y e tata a dicidi di bay cu e menor.
Un señora desespera den oranan di marduga a pidi ayudo di polis pasobra un tata a bay cu su yiu di tres aña y nan no sa unda pa
cuminsa busca.
Polisnan cu a yega na e cas na Sabana Basora Noord rond di 2.30 di marduga a bin compronde cu tabatin un problema entre e pareha cu a trece cu ne un discusion basta pisa. Segun e señora a splica, e homber dado momento no kier a scucha mas y a pasa man cu e mucha di 3 aña y a drenta mondi patras di e cas. Pero na momento cu el a tende cu Polis ta na caminda, el a bolbe cu e mucha.
E agentenan a hala atencion di ambos mayor pa e situacion aki y a papia cu nan riba e hecho cu ta e menor ta esun afecta cu e situacion. E mama di e menor no kier a haci denuncia y a bisa cu ta e wela di e mucha ta exagera e situacion.
