Diamars prome cu 2:00PM habitantenan di un cas de area di Kas di Paloma a pidi asistencia di polis pa un situacion cu a bay for di man. Den careda di 2:00PM un patruya di polis a presenta na e adres pa brinda asistencia policial.
Na yega di e agentenan, e habitantenan a splica nan cu un ser femenino a cuminsa kibra tur cos den cas. A sigui haci diferente pregunta di kico por a pasa cu e señora a kibra cosnan den cas, nan ta bin haya sa cu ta problema di pareha.
Polis a informa e pareha cu nan mes tin di regla entre nan e problema aki. Tambe e agentenan a sigui splica e persona cu no tin niun motibo mas pa nan intermedia. Polisnan a bandona e sitio, lagando e pareha pa resolve nan problema.
