Na Monserat, Noord, tin un situacion fastioso di awa di sushi y stinki. Diferente habitante di e area aki a yama pa keha cu nan ta haya holo masha desagradabel. Esaki ta debi cu e awa stinki di riool a bay over di e ‘man hole’ y ta plama bay direccion Palm Beach.
E situacion ta asina cu no ta tiki awa ta saliendo, ya cu tin basta awa caba riba e caminda. E automobilistanan ta pasa den e awa aki y plama esaki riba acera. Esun cu ta desea di haci uzo di e mashin di atm, no por haci nada otro y pasa den e awa sushi aki.
Desde algun tempo caba 24ora ta trece e situacion aki. A bin dilanti cu esaki ta algo cu a tuma luga n’e area di hotel, San Nicolas, Playa. E autonan ta pasa riba e awa sushi aki, cu ta contamina y ta hole desagradabel.
DOW a presenta n’e sitio p’asina mira e situacion. Ta kere cu dentro di par di ora nan lo mira unda e problema ta y soluciona esaki. Lo saca esunnan cu ta na warda pa drecha y remedia e situacion aki.
Pa mas lesa TREMPAN.COM.
