E cancelacion di biahe ta afecta cientos di Venezolano, incluyendo esunnan cu ta deteni wardando nan deportacion. “Aki mi ta cera, esaki ta horibel,” un hende muhe ta denuncia fo’i Oranjestad, segun e corant virtual Venezuela al dia.
Si Delcy Rodriguez no sali, ningun hende lo drenta? Tres vuelo humanitario cu lo a lanta e luna aki fo’i Corsou (2) y Aruba (1) cu destino Venezuela ta suspendi ‘te proximo aviso’.
Tur esaki a sosode despues cu e vice-presidente di e regimen Chavista, a denuncia dia 13 di december cu reino di Hulanda a impedi p’e bay Den Haag, unda tabatin premira pa reuni cu e fiscal di Corte Penal Internacional (CPI), Karim Khan.
“E suspension di e vuelonan humanitario ta relaciona cu e caso di Delcy Rodriguez. Awo mes e relacion cu Hulanda ta gevries,” un fuente politico ta sostene.
Di un otro banda, un persona relaciona cu logistica di e vuelonan humanitario aki ta añadi: “E Instituto Nacional de Aeronautica Civil (INAC) no a duna permiso. Esaki no ta prome biaha cu esey ta pasa, mester warda mira kico ta dicidi na Caracas, den e casonan aki gobierno di Venezuela semper tin e ultimo palabra.”
Pa un cobertura mas amplio lesa e edicion di TREMPAN di mañan.
