Praktijkondersteuner Huisartsenzorg a cuminsa na 2012, door di e cantidad grandi di pashentnan diabetico cu hospital ta hay’e confronta cu ne riba un base diario.
Jasmira Mora, Coordinador Praktijkondersteuner Huisartsenzorg, a indica cu a lanta POH basa riba e cantidad grandi di pashentnan diabetico. Tempo cu a lanta POH, e mes tabata traha na Hospital, afdeling Internie.
E tabata maak mee hopi pashent cu tabata bin hospital regularmente, e asina yama ‘draaidoor pashenten’, es decir cu nan sucu no tabata regula, cual ta haci cu nan ta drenta y sali for di hospital regularmente.
Door di esaki a bin ripara cu tabata tin un problema, cu e hendenan no tabata haya atencion den e prome liña, tabata tin hopi dialisis, hopi caso di amputacion na hospital. Esey ta algun di e factornan cu a haci cu e dokternan di cas mes a pidi pa bin c’un POH.
Un POH no ta un practica conoci na Aruba, pero basicamente e ta un extension di e dokter di cas, pa yud’e cu e problematica di sucu halto y presion halto.
Na 2012 a cuminsa cu e prome tres POH-nan, como un proyecto piloto, hunto cu AZV, Hospital y HAVA.
Mora mes a cuminsa na 2014, despues cu AZV a aproba e proyecto aki.
