Un caso hopi lamentabel a tuma luga un rato pasa na e area di beach na Eagle Beach, Palm Beach. Un persona cu a bin pasa un rato agradabel cant’i lama a confronta problema cu salud den awa. Esaki a sosode den careda di 2:00 pm ora cu a bati alarma pa un
turista den problema na beach. Testigo ta conta cu e tuma nota cu en berdad e persona aki a cuminsa haya dificultad y tabata hogando. A
core sac’e for di awa y cuminsa mesora cu prome auxilio. Mesora a bati alarma na autoridad, a cuminsa manda tur personal
direccion Eagle Beach mientras tabata haci maximo esfuerso pa duna reanimacion. Aunke por a tuma nota caba cu e situacion tabata serio.
Un rato despues paramedico a presenta y tuma e rescate over pa asina busca manera pa yuda e turista masculino aki cu no tabata reaccionando mas. E tabata un persona di basta edad cu tabata di bishita na nos isla abordo barco crucero. Paramediconan a uzo di un defibrillator (mashin cu ta manda shock den e curpa pa purba reanima e curason) pero sin resultado positivo. A tuma contacto tambe cu dokter pa asina bin constata morto.
Despues cu esfuerso maximo, mester a duna di conoce cu e persona aki a perde su bida. Ta bira un caso lamentabel mas di hogamento. Tur
autoridad a presenta, incluyendo slachtofferhulp pa asina atende cu e famia di e fayecido.
