Diadomingo atardi polis y brandweer a presenta cu urgencia na Papaya p’un candela di mondi. E candela tabata expande di un forma masha rapido mes. E candela tabata menasa algun cas den cercania, entre nan; residencia di Gobernador di Aruba, Alfonso Boekhoudt.
E bomberonan a combati e candela aki di un forma masha rapido. Polis a cera ambos banda di caminda p’asina e bomberonan por traha libremente. Na final no tabatin ningun cas cu a sufri daño, sino simplemente hopi huma cu a drenta den e casnan.