Algo pasa di 7or diasbra anochi, patruya di Noord a ser manda na un cas na Tanki Flip. A drenta informacion cu algun cacho Pitbull a drenta den un cura di cas y cuminsa bringa cu e cacho den cura. E cacho a busca manera di drenta cas di su doño pa purba huy di e tres pitbullnan. Polis a drenta y topa cu un atake formal. Polisnan a avisa mesora cu nan lo tira e pitbullnan. E doño di cacho lo a yega y asina wanta dos di e pitbullnan. E pitbullnan parce hasta kier a ataka e Polis den nan furia pa ataka y mata e cacho den su propio cas. Polis a hala atencion di e doño di e cacho y a splike kiko e consecuencianan ta pa su persona cu e cachonan brabo canando los y drenta cas di otro hende pa bringa cu otro cachonan. E doño di e Pittbullnan a bira basta rabia pasobra Polis a tira mata un di su cachonan brabo. Mirando e situacion na e sitio a presenta e cuerpo tecnico di Polis cu a atende e parti investigativo. E cacho cu a wordo ataka no a muri. El akeda basta herida si.
