Diadomigo atardi banda di 5or a drenta informacion cu un auto a bolter riba e caminda di Rooi Bosal. Polisnan a sali cu urgencia den direccion di e lugar. Polisnan di trafico y di Santa Cruz a yega. Na yega a topa un Tercel Blanco. No tabata tin hende herida. E chauffeur no a bolter cu e auto tampoco.
Mas bien e chauffeur coriendo duro y burachi a perde control den e birada biniendo ariba y baha caminda na man drechi y dal den un cura di cas. E cura ta basta fuerte. E auto a haya hopi sla banda di pasadero dilanti. Polis a atende cu e chauffeur y ta resulta cu e ta basta bebi. A detene y bay cune warda mesora despues cu dogcatcher a yega. Polisnan mes a lucha un rato y logra hala e auto cu a keda parcialmente riba caminda.
