Un trahador di Parke Arikok un biaha mas a hera bira victima di atraco. Esaki a pasa diadomingo atardi den careda di 5or. Algun tempo pasa e mesun trahador a ser atraca saliendo for di Parke Arikok. E diferencia e biaha aki ta cu e trahadornan no ta sali cu placa mas. E trahador ta biba na San Fuego y tur biaha seguridad ta compañe te na su auto.
Tin biaha ta core su tras bayendo cas. E biaha aki solamente a compañe na e auto. Ora el a bay abou dos atracador hoben a bin riba dje. El a spanta pero su portanan tabata na lock. Nan a bin pa atrake pero el a para keto den susto y djey trot e auto bay. A logra bati alarma y e seguridad tabata tey mesora. E señora tabata hopi spanta y na yoramento tabata conta Polisnan kico a sosode. E no tabata facil pe. E no por a stuur e auto mas.
Polisnan mes a dicidi cu ta mihor nan compañe bay cune cas. El a sinta na banda y asina Polis a stuur hibe cas. Polisnan a para tambe unda e atracadornan a sali for di e rooi saliendo di parke pa comete e atraco. Na yegada na cas ainda e señora tabata hopi emocional. A pidi pa slachtofferhulp presenta na e su cas na San Fuego pa asina e wordo yuda. Parti di e trabou social tambe ta wordo duna ora cu tin tipo di casonan asina cu ta afecta victimanan grandemente.
