Un rato pasa a nota presencia di Polis hunto cu departamento di transporte publico (DTP) y DTI den un accion relampago riba L. G. Smith Boulevard. Ta for di mainta nan ta bezig cu e control, mas bien ta enfoca riba Taxi y Autobus.
Merdia a move bay y sigui cu e control net dilanti di Certified riba boulevard. A para varios taxi y autobus, mayoria di nan tabatin tur documento na ordo. Aunke, semper tin excepcion di algun. E grupo aki a ricibi un multa como regalo di fin di aña, mientras cu mester a hasta takel un autobus pa no tin nada na ordo.
Chauffeur di B-75 y su pasaheronan a keda na pia despues di control. A takel e autobus y hib’e ward’i Balashi, ora e chauffeur regla tur cos e por busca su vehiculo bek.
