Diabierna anochi polis a activa p’un alarma serio den e zona hotelero. Diferente persona a bati alarma p’un persona arma canando den e area di Paseo Herencia Mall y e zona hotelero. Por lo menos cuater pa cinco unidad di polis a presenta den e area pa wak si ta topa cu e homber aki.
A busca tur caminda, hasta a cana rond den e mall pero sin resultado. A controla band’i beach y den zona nan scur den e area, pero no a topa cu ne. Ta pendiente un desaroyo den e caso aki, pa wak si ta pone man riba e persona aki, cu supuestamente ta arma.
