Diasabra anochi alrededor di 8:30 pm polis a para un auto marca Toyota modelo Yaris na altura di Boogard na San Nicolas. Polis ta activo controlando varios auto despues di anuncio di Minister Rocco Tjon riba e operacion Iron Eagle. Den mesun rosea polis a confisca un otro auto marca Toyota modelo BB color preto. A takel e auto y hib’e pa ward’i polis.
A transporta e chauffeur di e Yaris pa ward’i polis caminda lo present’e dilanti un subfiscal. Por spera mucho mas control y detencion durante anochi, polis ta hasta compaña cu e transporte di CEA pa transporta e detenidonan. E controlnan aki no ta solamente den districto di San Nicolas pero den mas districto.
