Polisnan a para pa yuda un homber cu nan a topa den Dominicanessestraat pasco anochi. E homber tabata trip cu su boter di cerbes den man. El a trompica dal un spiel di auto y herida su mes ora e boter a kibra. Polis a pidi ambulance mesora. E dede corta tabata basta hundo y tabata sangra hopi.
E homber tabata basta fastioso. Polis tabata pidie cada rato pa para keto un caminda y primi e herida sangrando cu un paña. Asina mes e tabata zwaai cu e man y tabata acerca e polis y kier e mishi cu nan. A susha e porta di auto di polis tambe na sanger. Ambulance a yega y paramediconan a atende cu e homber herida. E homber a gradici polis pa e yudansa cu nan a dune. Tambe el a bisa e agentenan masculino cu e colega femenino di nan bisti cu muts di Santa Claus ta hopi bunita. E tabata bebi y herida sangrando pero su bista si tabata perfecto.
