Manera anuncia diabierna, Polis a start cu control severo den area di Oranjestad desde awe 2 te cu dia 8 di september.
E accionnan ta concentra riba Taxi pirata y parkeermento iresponsabel den cayanan di Oranjestad. Awe dialuna a habri cu control na varios parti, cu consecuencia cu a takel varios auto y a duna multa.
A controla autonan staciona riba acera den Oranjestad) hunto cu empleadonan di AruParking. Chauffeurnan por staciona por ehempel den Julianastraat y Irenestraat, pero no riba acera y e mester ta na banda drechi di caminda. Tur otro auto ta wordo getakel.
Den e siguiente dianan lo intensiva control riba autonan para riba caminda pa bende y no tin plachi number. Otro area di control lo encera cumplimento di e Algemene Politie Verordening, p.e. awa riba caminda , bebemento rond di negoshinan etc.. Tambe lo controla borchi riba caminda, sin cu nan tin permiso. Stuur cu celular den man tambe ta riba lista di controlnan pa e luna aki.
