Diasabra atardi Polis di Oranjestad hunto cu departamento di SBV (permiso), Flex-Team y Polis Motorisa a haci un control den trafico cu a cuminsa for di 6:00 pm y a termina diadomingo mainta 6:00 am. E control tabata dirigi riba: maneha auto bou influencia di alcohol y/of otro substancia, impuesto di vehiculo, rijbewijs, keur y seguro. Tambe a controla diferente establecimento si nan permiso ta na ordo.
E control policial aki a produci den total:
• Cuater (4) chauffeur deteni pa maneha auto bou influencia di alcohol,
• Trintidos (32) multa reparti pa comete diferente infraccion,
• Binticuater (24) establecimento controla.
Cuerpo Policial Aruba ta avisa comunidad cu control di trafico lo continua y ta haci un apelacion na tur automobilistanan pa percura pa nan documentonan di vehiculo di motor ta na ordo y percura pa bo tin bo rijbewijs valido cubo.
Alabes Cuerpo Policial Aruba ta corda tur automobilista cu si bo ta bebe no stuur y si bo ta stuur no bebe. Busca un amigo didi!
