Awe den careda di 6:00 pm polis motorisa a tene un control di trafico, specialmente riba velocidad entre Ser’i Teishi y e rotonde di drive-in. E agentenan a para strategicamente cu e ‘radar speed gun’ pa detecta velocidad di e automobilistanan.
Algun a tene nan mes na e regla di velocidad maximo y algun cu a surpasa, tabatin algun chauffeur cu a pasa bay asina duro cu por a nota nan casi no ta logra para na ora na momento cu polis duna nan señal.
Mas cu claro, multanan halto ta cay pa esunnan cu comete cualkier infraccion den trafico y den e caso aki no tene nan mes na regla di velocidad, cu ta conta pa nan propio siguridad y alabes pa demas automobilista.Polis ta sigui haci controlnan asina pa garantisa siguridad riba caretera di Aruba.
