Awe mainta pa mas of menos 10:00am polis a para un vehiculo cu no tabatin su number di auto parti dilanti. Esaki a sosode na altura di Westpunt caminda cu a duna señal na e pickup marca Ford modelo Explorer pa para y asina a control’e.
Ademas cu e tabata faltando e plachi parti dilanti, a bin resulta cu e vehiculo su number no ta paga. No a keda nada otro cu pidi pa un takelwagen na sitio pa confisca e vehiculo.
Comunidad mester ta consciente cu fecha di pago a pasa y cu polis ta controla. Actualmente tin 7500 vehiculo cu ainda no a paga nan nummerplaat pa e aña aki na Aruba. E accion di awe por sirbi como conscientisacion na otronan pa cumpli cu nan debenan.
