Segun resumen di awe diesocho persona a recupera y a registra un total di diesdos caso nobo di COVID-19 dos ta no-residente. E cifranan aki ta representa un ‘Positivity rate’ bou di nos residentenan di 16%. E cantidad di caso activo di COVID-19 pa awe ta 192 y cantidad di fayecidonan relaciona cu COVID-19 ta 177. Dato ta ilustra casonobo di COVID cu un averahe semanal di bintiun caso pa dia y un averahe di ‘positivity rate’ semanal di 15% pa dia.
Actualmente na Aruba tin seis persona interna cu contagio di COVID-19 di cual den ICU tin cinco persona y riba piso general tin 1. Na Colombia tin actualmente seis persona den ICU y ninguno (0) riba piso general.
