Patruya di Santa Cruz a presenta pa un caso di agresion awe tardi den area di Barcadera. Na prome instante a indica cu patras di Avis Car Rental lo tin algun persona batiendo un homber cu bate malamente.
Esaki a tuma luga den careda di 3:00 pm ora cu patruya a cuminsa busca den e area pero no tabata haya nada, un rato despues, den un caminda di santo, a yega na un adres eybanda mes caminda cu a bay papia cu esnan presente.
A bin compronde cu tabata trata di un ex-pareha di e yiu y un persona mas, cu lo a presenta y agredie cu bat. E dos sospechosonan aki ta conoci di polis pero na yegada, lo a bandona e sitio caba. Durante discusion a bay cu yabi di auto di un bishita, cu no tin nada di haber cu e caso. A destrui vehiculo tambe na sitio ademas di e agresion cu a tuma luga.
A conseha e victima pa tuma contacto cu departamento di recherche pa un denuncia.
