Diabierna den careda di 10:00 pm un persona masculino a bira malo y consecuentemente el a cay. Di biaha a pidi presencia di tanto polis como ambulance. Na sitio a presenta dos unidad y first responder pa atende cu e persona.
E persona a bira malo despues cu e actividad a termina dilanti Djiespie’s Place. Tur esunnan cu tabata ey banda a cuminsa haci oracion pa M.R.A., kende ta un persona conoci cu ta ey banda constantemente.
Na prome instante a pidi presencia di slachofferhulp, ya cu a kere el a fayece. E paramediconan a traha cu ne, unda a pone mashin di CPR na su pecho y a logra trece bek. Di biaha a hinc’e den ambulance y transport’e pa hospital p’e ricibi tratamento medico avansa.
