Tabata alrededor di 11:30 pm ora cu polis a duna un auto marca Hyndai modelo i10 señal pa para den Weg Fontein na San Nicolas. E auto no a respeta y a trot bay laga polis. E tabata su so den auto. Den pleno awasero polis a trot y a yega bek tras di e auto. E persecucion a dura basta largo.
A bay te Yuwana Morto pa djey lora bay y termina na e Pepsi Veld den Yuwana Mortostraat. A manda e chauffeur suela mesora y deten’e. El a resisti su detencion formalmente.
A hasta pidi pa refuerso pero debi cu awa tabata yobe, a hacie dificil pa e otro unidadnan yega cu mas pura. Na final a transport’e pa ward’i polis caminda a present’e dilanti un subfiscal, pa awo, e lo permanece encarcela.
