Diadomingo marduga, algo despues di 2:00 am a sosode un accidente serio riba Avenidad Nelson Orlando Oduber. Un pickup a ranca un pal’i luz y bolter drenta den e rooi cu ta separa e camindanan for di otro. Automobilistanan cu a yega prome na e sitio a bati alarma y tabata pidi ambulance pa yega cu urgencia.
Na e sitio polis a constata cu e impacto tabata asina fuerte cu e pickup a saca e chauffeur for di e vehiculo. Den e proceso, a benta e homber den algun mata di hubada. Claro cu door di e impacto, e boltermento y e caymento den hubada a lag’e seriamente herida atras.
Cu ambulance a transporta e victima pa hospital pa por ricibi cuido medico avansa. Tecniconan di NV Elmar tambe a yega marduga na e sitio pa atende cu e pal’i luz y desvia kabel di coriente.
Polis ta investiga e caso pa mira con e desgracia a sosode y pa determina hunto cu seguro, con ta cubri e gastonan haci na otro. Obviamente e auto mes tambe a sufri hopi daño.
