Durante e reunion general anual (Algemene Leden Vergadering ALV) di Partido Alternativa Real (PAR) a trata relato financiero pa aña 2021 y presupuesto pa 2023. Na mes momento tambe a scoge miembronan di Directiva nobo, cu a keda den persona di Kimberly Ascencion, Ana-Maria Pauletta y Luigi Faneyte cu lo reemplasa e miembronan saliente Michael Samsom y Tszming NG.
Miembresia a eligi tambe un Presidente nobo di PAR cual ta dr. Michel Berry.
Na maart ultimo Eugene Rhuggenaath a tuma e presidencia di Rach, cu meta pa cu sostene lider politico nobo di PAR, Quincy Girigorie y pone e plannan di accion di PAR den ehecucion.
E Presidente y Directiva nobo lo tin meta primordial di sostene e lider den su vision pa cu partido y pa Corsou, prepara programa desaroyo duradero di pais Corsou y su hendenan como tambe encamina proceso pa prepara pa e siguiente eleccion.
Directiva tin un termino di 2 aña y ta como lo siguiente: Lider politico Quincy Girigorie, Presidente Michel Berry, Vicevoorzitter Shaheen Elhage, Secretario Kamir Lopez, Penningmeester Gunnar Louisa y miembro Steven Croes. E miembronan eligi diabiebs durante ALV lo reforsa e directiva den diferente rol.
