Guardian Group ta participa ya pa varios aña na Small Business Event, unda cu nan a yega di duna informacion riba e tipo di seguro cu ta necesario ora bo ta un entrepeneur.
Segun Madel Jacopucci, communication and events na Guardian Group, a scucha tambe un bunita presentacion di e ganador absoluto di e best business award di aña pasa, cu tabata Diederick Camerleighn di the Lab. E aña aki a pone disponibel un presentador na nomber di Guardian Group, kende ta Daniel Korssen di DNI business Support cual ta e compania cu ta guiando e proceso di comienso te final, pa asina ey eligi e aña aki e best business award di Guardian Group 2018.
Pesey e participacion di Guardian Group tabata asina clave mirando cu e nominadonan tambe tabata invita pa asina ta presente na e seminario of na e evento aki di Small Business, unda cu nan tambe a haya informacion valioso y tambe pone un plataforma pa haci networking. Ta un orguyo cu Jacopucci a anuncia e cinco companianan nomina. Nan ta Affinity Lighting & design. Tin Cunucu 297, Summer Vibe Bike y Antilla Energy, por ultimo tin e GRP Architects & Construction. Cinco nominado fuerte. Tres di nan ta riba tereno di sostenibilidad y bo ta wak tambe cu energia alternativo ta hungando un rol hopi importante na Aruba.
E evento
E evento mes ta wordo organisa anualmente. Segun Madel Jacopucci, esaki ta e di dos aña cu Guardian Group ta organisando esaki. Na Corsou e compania a organis’e pa 10 aña consecutivo y e ta toch interesante pa ora cu tin registracion di companianan chikito y mediano na Aruba, cu bo ta haya un bunita cantidad di registracion. Awor aki, den dos aña tin 101 registracion. Y Daniel Korssen a haci un presentacion unda cu e demostra con e desaroyo ta na Aruba riba tereno di small & medium business unda tin bottle necks, unda tin cu tene cuenta cu desaroyonan di un negoshi. Esaki ta un evento cu sigur sigur Guardian Group lo sigui organisa anualmente.
Best in Business Award
Dia 28 di Juni proximo, Guardian Group lo bay tin su Best in Business Award y cinco compania a wordo nomina den esaki. Manera cu nos a menciona ta trata aki di Affinity Lighting & Design, Antilla Energy VBA, Cunucu 297, GRP Archtiects & Construction y Summer Bike Vibes. Ken lo bay bira e ganado di e evento aki? Nos lo keda pendiente.
