Misa Birgen di Fatima ta uni n’e di cinco Rosario Mundial
Dialuna dia 20 di februari proximo, Parokia Birgen di Fatima ta uni n’e di cinco Rosario Mundial organisa pa Mater Fatima y FRICYDIM (Famia Religioso di e Curason Inmaculada y Divina Misericordia) na memoria di e Santonan Francisco y Jacinta Marto.
Pa medio di e comunicado aki Rev. Pastoor Jozef y Rev. Diacono Michael Nicolaas ta invita tur parokiano y e pueblo di Aruba en general pa uni n’e di cinco Rosario Mundial cu lo inicia cu un Santo Sacrificio di Misa pa 7:00 pm sigui pa exposicion di Santisimo, Santo Rosario y Consagracion na Hesus pa medio di Mama Maria.
Hardin di Rosa pa Mama Maria, Lazos de Amor Mariano, Comunidad Totus Tuus y Scol Amplio Nos Cosecha tambe a uni na e di cinco Rosario Mundial na Misa Birgen di Fatima. Cada persona y/of grupo cu ta desea tambe por uni n’e di cinco Rosario Mundial participando n’e Santo Sacrificio di Misa y Santo Rosario dia 20 di februari.
Laga nos uni y resa pa e.o. nos muchanan, combercion dje pecadonan, paz na mundo, triunfo di e Curason Inmaculada di Mama Maria, nos famianan, Papa Francisco y haci Mama Maria feliz!
