Ku hopi plaser i alegria nos a tuma nota di e anunsio ku Kòrsou ta bini na remarke pa e fondonan Europeo (11th EDF) di 40 mion ku wòrdu otorgá na 12 paisnan Karibense.
E fondonan aki ta sumamente importante pa Kòrsou por hasi uso di nan pa e proyektonan duradero ku ta meta di e fondonan aki ta destiná pe. Pa frakshon di MAN ta sumamente importante ta pa invertí e fondonan aki den proyektonan ku e pueblo direktamente por benefisiá di dje. Durante di mi bishita di trabou na Nashonnan Uní (New York) siman pasa, mi a tuma nota ku nos posishon den Reino Ulandes ta hasi difísil (no imposibel) pa por yega na fondonan di Nashonnan Uní ku ta disponibel ,pa motibu ku Reino Ulandes ta e pais number 9 di Mundu ku ta aportá den fondonan di Nashonnan Uni miéntras ku e entrada di Reino Hulandes ( inkluí Kòrsou,Aruba i St. Maarten)ta surpasá entrada per capita ku ta bini na remarke na e fondonan di UN segun e “DAC list of ODA recipients”. Mi a tuma nota ku den kombersashonnan ku UN woman i UN water ,ku otro paisnan ku mesun entrada per capita , ku Kòrsou si ta bini den remarke i asina logra haña fondonan di Nashonnan Uní pa proyektonan dirigí pa esunnan mas den nesesidat den nan pais.
Den e kuadro aki Parlamentario Mc William a hasi e siguiente pregunta nan na Minister di Asuntunan General Sr. E.P. Rhuggenaath e siguiente preguntanan.
Kuantu ta e montante di e 40 mion di euro aki ta destiná pa Kòrsou?
Kiko ta e proyektonan konkreto ku Gobièrnu ta bai invertí ku e fondonan aki otorgá?
Tin un deadline pa realisá òf presentá e proyektonan aki?
Ta posibel pa Gobièrnu di Kòrsou pa yega na un mekanismo huntu
ku e Ministerio di Buitenlandse Zaken di Reino Ulandes i Mishon di Reino pa logra buta Kòrsou riba e lista di DAC list of ODA recipients i asina por hasi tambe uso di e fondonan di Nashonnan Uni?
