Durante conferencia di prensa semanal di partido MEP cu a tuma luga dialuna mainta na e sede na Santa Cruz, parlamentario di e fraccion geel, Marco Berlis a haci un apelacion na Social Economische Raad (SER) y na Aruba Trade & Industry Association (ATIA) pa reevalua nan punto di bista tocante un posible aumento di e salario minimo.
E argumento di e político ta cu mescos a yuda negoshinan durante pandemia, awo negoshinan mester traha hunto cu gobierno pa drecha e poder di compra di e hombre chikito.
Berlis a indica cu el a tuma nota di e comunicado di prensa cu SER a emiti recientemente den cual ta bisa cu no ta recomendabel pa aumenta salario minimo den 2022. Su reaccion na esaki ta cu e “ta compronde e gremionan cu tambe por ta preocupa aki aya, pero ami tambe ta preocupa pa e homber chikito; e homber cu ta luchando ey’fo.”
Djey Berlis ta cita e aumento global di inflacion, con esaki a yega indice record na Hulanda y cu Aruba como pais importador, ta conoce aumento den prijs di tur cos danki na e mercado di petroleo, etc. Su tras ta recorda con durante pandemia Pais Aruba a “duna mas di 700 miyon florin na negoshi pa nan por keda drief, pa nan por sigui survive.”
Pa e relato completo, lesa edicion di TREMPAN
